Крестовоздвиженский храм в Самаре

12.04.15-18.04.15 Пасха. Светлая седмица. Пасхальные часы

Пасхальные часы

Всю Светлую седмицу (неделю) вместо обычных утренних и вечерних правил совершаются пасхальные часы. Они помещаются в молитвословах. Как в храме, так и дома, по пасхальному обычаю, они, по возможности, поются, а не читаются.

Часы эти состоят из следующих молитв.

Текст в квадратных и круглых скобках не произносится. Текст в круглых скобках указывает число повторений.

Молитвами святых отец наших, Господи Иисусе Христе, помилуй нас. Аминь.

[Ипакои:] Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в (трижды).

Воскресе́ние Христо́во ви́девше, поклони́мся Свято́му Го́споду Иису́су, еди́ному безгре́шному. Кресту́ твоему́ покланя́емся, Христе́, и Свято́е Воскресе́ние твое́ пое́мъ и сла́вимъ, ты бо еси́ Богъ нашъ, ра́зве тебе́ ино́го не зна́емъ, и́мя твое́ имену́емъ. прииди́те вси ве́рнии, поклони́мся Свято́му Христо́ву Воскресе́нию, се бо прии́де Кресто́мъ ра́дость всему́ ми́ру. всегда́ благословя́ще Го́спода, пое́мъ Воскре́сение его́, распя́тие бо претерпе́въ, сме́ртию сме́рть разруши́ (трижды).

Предвари́вшия у́тро я́же о Мари́и и обре́тшая ка́мень отвале́н от гро́ба, слы́шаху от А́нгела: во све́те присносу́щнем Су́щаго с ме́ртвыми что́ и́щете, я́ко челове́ка? Ви́дите гро́бныя пелены́: тецы́те и ми́ру пропове́дите, я́ко воста́ Госпо́дь, умертви́вый смерть, я́ко есть Сын Бога, спаса́ющаго род челове́ческий.

[Кондак:] А́ще и во гроб снизше́л еси́, Безсме́ртне, но а́дову разруши́л еси́ си́лу, и воскре́сл еси́, я́ко Победи́тель, Христе́ Бо́же, жена́м мироно́сицам веща́вый: Ра́дуйтеся! и Твои́м апо́столом мир да́руяй, па́дшим подая́й Воскресе́ние.

[Тропарь:] Во гробе пло́тски, во аде же с душе́ю яко Бог, в раи́ же с разбойником, и на Престоле был еси, Христе, со Отцем и Духом, вся исполня́яй, неопи́санный».

Слава Отцу и Сыну и Святому Духу:

Яко Живоносец, яко рая́ красне́йший, воистинну и черто́га всякаго ца́рскаго показа́ся светлейший, Христе, гроб Твой, источник нашего Воскресения.

И ныне и присно и во веки веков, аминь:

Вы́шняго освеще́нное Божественное селение, радуйся: Тобою бо даде́ся радость, Богородице, зовущим: благословенна Ты в жена́х еси, Всенепоро́чная Владычице.

Гоподи помилуй (40 раз).

Слава Отцу и Сыну и Святому Духу; и ныне и присно и во веки веков, аминь.

Честнейшую Херувим и сла́внейшую без сравнения Серафим, без истления Бога Слова ро́ждшую, су́щую Богородицу, Тя величаем.

Молитвами святых отец наших, Господи Иисусе Христе, помилуй нас. Аминь.

[Ипакои:] Христос воскресе из мертвых, сме́ртию смерть попра́в, и су́щим во гробе́х живо́т дарова́в (трижды).

Назад к списку